Mots-clés


Un poème du Docteur Mohamed bazzi al mimouni

Voir le sujet précédent Voir le sujet suivant Aller en bas

Un poème du Docteur Mohamed bazzi al mimouni

Message par abaakil le Mer 16 Fév - 19:57

Le village de la cote -قرية الشاطئ.




شْفتيهم بْعيونْ الصْفا أقْلبــــي

وصَبْتِِهُمْ فالخْواضْ لاعْبينْ بيـــكْ

عْلاشْ ما شْفْتِيهُمْ بْعْيونْ الشْكـوكْ

حْتَّى تْصافيكْ مْياميهُم وتْعومْ فيـكْ

مَدى مَنْهُمْ وْزَنْتِهُمْ بالمَلايْـــكَةْ

وسْكاكْنْهُمْ لَهفـــــانَةْ بيكْ

لا تَأمَنْ ولا تَسْتامَنْ فِيهُمْ شُوَكات

مَنْ وْراءْ سَعْفَة ْوهاذْ الشْدوق لاحَتْ

زحَّافَةْ كْروشْ الغْذَرْ تْقَلَّبْ الدْْفا فيكْ



***

عََنْد المَقابِيرْ العَزَّايا كُلْهُمْ شْرفاء و بكَّايا

وفْغَرقْ المَحابيرْ

تْشْرَبْ قْلومْهُم السَّمْ المْخَبِّي ليـــكْ

الكَلْبْ قْبَلْ ما يْعَضْ يْعْلَمْ بالنْـــباحْ

والشَّياطِينْ سوقْ المَحاريمْ رْماتْكْ فالمَهاليكْ

***

مْصيبتْنا فالرْهوطْ العَرْيانَة يادَنْيــا

شْكونْ فالنَّدْمانينْ يْفَكَرْ يْوَلِّي ليكْ

من الوالِدينْ جاتْ التْرابي الفَضْحانَة

والرْيوسْ الخاوْيةْ ياعالَمْ

بالزَّخاريفْ سْكْرانَة فيكْ

تْخَلَّطْ وادْ الخّزْ بْوادْ صْفا

ويا وادْ الفْتونَْ سارْ مجْراكْ

فالرْيوسْ العَطْشانَة ليكْ

***

راحَتْ الصْدوقْ مْعَ الريَّاسْ الساَّلكين بْحورْ الصّْفا

أنا نْسال لبْحورْ

آشْ ذَنْبْ هاذوا اللِّي غَرْقو فيكْ

باعوا ليهُمْ لوهامْ فالظْلامْ

ويا واد "دْرا" عهدي بيك بين لجبال الشامخة

صَرت فالأنابيب ْ واشْ جْرى ليكْ

لا والي ولا تالي صارَتْ لْهْمومْ سارْحاني

وسارْحَةْ الهْمومْ وأخرى سارحة فيكْ

***

ماهو إلاَّ عْدوكْ مَنْ يْزَيِّنْ ليكْ مْلاهيكْ

قايْدَكْ لْطريق النار وباللَّذاتْ الموْهُومَةْ

مْعَمَّرْ ليكْ صْوانيكْ

نابَتْ فْدَمْنا العْدو خالَقْ فالطَّعْمَــة

يْتْحَسَّفْ اللعين فْشْدوقْ المَخالِيقْ

كُلْ لُقْمَةْ وافيةْ

تابْعاها الشَّهْواتْ بالبْنادَرْ

وعلى ضَيْ مْجامَرها سايِرَةْ تْغَنِّي ليكْ

***

مولانا هاذو عَبادَكْ ضاقَتْ بيهم المَسالِيكْ

نورَانَكْ ملايْكَةْ تْبَعَّدْنا حَفرات المَهاليكْ

نْتْرجَّاو لَحْظَةْ سَكَنْ

ونْقا وصْفا

بْحال عَشْقنا ليكْ...



د محمد بازي

abaakil

Messages : 86
Date d'inscription : 09/12/2010

Voir le profil de l'utilisateur

Revenir en haut Aller en bas

Voir le sujet précédent Voir le sujet suivant Revenir en haut


 
Permission de ce forum:
Vous ne pouvez pas répondre aux sujets dans ce forum